Leire Larretxea

Sansebastianak

2012-01-15T13:10:00.000-08:00

Santu denak nahiko luke Sebastian izena izan gurea bezelako festaz jabetzeko. Ez da jai kontua bakarrik, nolakoa baizik. Ez da donostiarrok soilik ongi pasatzen dugun festa, gainontzekoek ere ederki bizitzen ikusi ditut. Egia da bereziki sentitzen dugun eguna dela, horixe baita, 24 orduko festa jendetsu eta ozena! Badator Tanborrada!

♡♡♡ Niretzako diren lehenak ♡♡♡

2011-11-14T14:09:00.000-08:00

♡♡♡ Bihotzak jartzeari ezin utzi... gaur jasotako paketearekin "maitemindu" bainaiz. ♡♡♡

Aspaldi nenbilen nire estanpatuen frogak eskuartean izateko gogoz: lehen aldiz lan pertsonalak egiteko intentzioarekin. Argazkietako telak dira iritsi zaizkidan lehenak, eta ez dira ez, honela geratuko, oihal bakoitza zeozer desberdina izango baita laister... Horretarako Aneren esku eta orratzak beharko ditut, eta orain arte amankomunean hamaika gauza bagenituen ere, bat gehiago zenbatu beharko!

Prest!

2011-11-06T14:39:00.000-08:00

Aspalditik espero nuen helburu baten abiapuntua. Ideia, bozetoa, marrazki eta kolore aukeraketak ia amaitua...

... 2012 ...

2011-10-30T13:28:00.000-07:00

Larunbatean argazki eder batzuk ikusi nituen... oraindik ezin dut ezer erakutsi baino 2012ko estanpatu eta kolore berriak martxan ditugu Goiurin! Honek pentsatzen jarri nau eta orain arte dendarako egindako estanpatuak era ordenatu batean ikusgai jartzea ezinbestekoa ikusi dut.

Bilduma guztien ildoa, eboluzioa ikusteko, eta hauen jarraipena izango dena, laister lau haizeetara ilusioz zabaltzeko. Blogean bertan, atal berria: GOIURI jarri dut, non aurrera atera diren estanpatuak dauden. Denborarekin, estanpatu gehiagoren beste atala gehituko dut, hauek ez baitute -oraindik- kalera irtetzeko zortea izan. Hori, lagun batekin elkarbanatuko dudan proiektua izango da. Pertsonalki 2011 ez da urte erreza izan, bai ordea, aldaketaz eta erronkaz beterikoa, eta gertatzen zaizkidan zenbait gauzek saritua sentiarazten naute... eta laister horietako bat ikusgai izango duzue.

la mia dolce vita a Roma ♥

2011-10-24T06:10:00.000-07:00

Roma. Ongi sentiarazi nauen hiria. Gauza ikusgarriak eskeini dizkidan lekua. Arnasa berritu didan bisita. Itzuliko naizela ziur nago. Bitartean, irudi batek mila hitz baino gehiago esaten duelako:

1000 kolore

2011-09-24T11:49:00.000-07:00

Marrazki bat, hamaika kolore. Non dago sortzearen muga? Batzutan nabarmena izaten da, bestetan ez, bilaketa bera baita interesgarria. Hainbeste kolore konbinaketa faborito ditut, geratzea kosta egiten zaidala... eta bakarra aukeratzea, ezinezkoa. Datorren denboraldia alaitzeko nire proposamenak, berriz hauek guztiak!

"Welcome udazkena, welcome!"

2011-09-07T16:35:00.000-07:00

Eta iraila iritsi da bai! Gutxitan hartuko nuen hain pozik garai hau. Badirudi, udararen amaierakin gauza askoren bukaera iristen zaigula. Neurri batean hala bada ere, eguzki dexente geratzen dela dirudi, nahiz eta argia bizkor murrizten doan. Niri, oporrak datozkit laister, (iuuujuuu!) horregatik pozten nau asteen joan etorriak. Eta irailarekin, beste gauza batzutara dedikatzeko denbora gehiago, bloga berritu eta eguneratu, argazki, kolore, bideo politen bilaketa egin... Inspirazioa lantzea, ez baita hau derrepentean eta nahi gabe ate joka etorriko. Nere kuadrilan laister (eta afari tematikoren baten bidez) esango dugun moduan "Welcome udazkena, welcome!"

Little Boat from nelson boles on Vimeo.

Mixtura

2011-08-16T03:33:00.000-07:00

Udararekin aurten etzaizkit oporrak iritsi baina bai motibaturik egoteko arrazoiak: etxe, lan, helburu berriak... Zenbait ate irekitzeko beste batzuk ixtea beharrezkoa izan zait oraingoan; eta pena eman badit ere merezi izan duen erabakia izaten ari da. Eta horrela erronka berri bila. Gauza desberdinak frogatzen eta nahi ditudan lanak sortzen saiatzen. Irudi honetan, horietako batzuek bat egiten dute ea noruntz naramaten...

Natura eta bere koloreak

2011-05-18T09:52:00.000-07:00

2011ko udara bertan dugu. Konturatu orduko udaberria bera ere laister agurtzen egongo gara. Goiurin berehalakoan datorren uda denboraldia aspaldi aurkeztu genuen, eta jadanik hurrengo lanetan pentsatzen gabiltza. Kolorearen aukeraketak benetako, aparteko ikerketa-lana merezi du; horregatik nonahi inspirazio bila izaten gara. Eta zer hobe natura bera aztertzea baino?? Honek eskeintzen dizkigun konbinaketek ez digute inoiz huts egiten, berezkoak baitira, biziak. Esaten den bezela, natura jakintsua da; eta bertatik ikastea beharrezkoa.

Bidai 1 eta 11 istorio

2011-04-27T07:22:00.000-07:00

Eneee, zein azkar pasatzen den denbora... azkeneko aldiz idatzi nuenetik asteak bizkor igaro dira! Lanpetuta ibiltzeaz aparte, oporretan egon berri naiz, polita baino interesgarriagoa den hirian, Berlinen. Han hamaika istorio bizitu ditut lagunekin eta historiari aparteko tartea eskeini diogu. Benetan merezi izan duen bidaia izan da. Oroitzapen moduan ehundaka argazki eta erosketa berezi pare bat.

Bidai desbedinetan bildutako kuadroak! Berlinetik neska honen akuarela loreak hautatu ditut.
Eta bitxikeri hau ere ekarri dut!

How to use the Diana Mini (Demo video) #1 from Lomography on Vimeo.

Aitonarentzako loreak

2011-03-26T13:39:00.000-07:00

Zailak izan diren egun batzuen ostean, berriro martxan jartzeko prest...
"Lana gauza ona da" esaten zigun aitonak behin eta berriz. Eta egia da. Lana gauzak egitea delako, gauzak aldatzea, hobetzea eta berritzea izan daitekelako. Bizitasuna ematen digulako. Berak lan mordoa egin zuen: txiki-txikitatik ardien atzetik, gero hirira etorri eta beste lan eta betebeharrak izango bazituen ere. Guri gauza asko kontatu zizkigun, baloreak transmititu ere: aurrera egiteko langile izan beharrak garela esaterako. Niri etzidan ondo ulertzen nola egin nezakeen ordenagailuarekin lan, ezta zertan bihurtu zitekeen pantaila aurrean igarotzen nuen (eta dudan) denbora. Baina bazekien etzela denborapasa eta bere modura ulertuko zuen zerbait. Beraz, pantaila aurrean eseri eta hauxe idatzi nahi nion: lana gauza ona da maiz esango diodala neure buruari, baita nire ingurukoei ere. Eta gustoko bidea hasteko zortea izan dudanez, aurrera begiratu besterik egin behar ez dudala berak bezainbesteko ibilbidea izateko. Muxu bat aitona.

Aitarentzat

2011-03-19T13:07:00.000-07:00

Eskerrik asko · Gracias · Graciñas · Merci

2011-03-16T10:29:00.000-07:00

Kartelak jasotako mezu eta laguntza osoari eskerrak eman nahi dizkiot. Batzuk kilometro askotako bidaia eta guzti egin dute! Boto bezala kontatzen ez diren beste gauza batzurekin ere geratzen naiz balio berezia dutelako.

Gracias a todos los comentarios y apoyo que ha recibido el cartel. Algunos incluso han llegado desde kilometros de distancia!
Me quedo con otras cosas que no se contabilizan como voto y me sirven para algo más.

(VOTAR) Cartel · Kartela (BOZKATU)

2011-03-05T03:40:00.000-08:00

... y ayer comenzó la campaña de votaciones!! Aquí teneis opción de participar votando mi propuesta para el cartel del Jazzaldia de Donosti que se celebra en julio. Sólo por participar podéis ganar un abono doble para la Plaza de la Trinidad (una ubicación que merece y sorprende) y alojamiento para dos personas... y ¿qué mejor que pasar unos dias de verano en esta ciudad tan playera? También os dejo el link abajo. Gracias!!!!!

P.D. Podeis votar CADA DIA, hasta el 10 de marzo. Vale cada voto por cada mail diferente que deis. Luego os sólo cuestión de confirmar el link que os manden para que os contabilicen para el sorteo.

... atzo ireki zen bozkatzeko-kanpaina!! Uztailan ospatzen den Donostiako Jazzaldirako aurkeztu dudan kartela hemen bozkatu dezakezu. Parte hartzegatik soilik, Trinitate plazarako (merezi duen kokapen interesgarria) 2 pertsonentzako abonamendua eta ostatu zoketan parte hartuko duzu... zer hobe, udako egun batzuk hondartzarako-hirian pasatzea baino? Esteka behean ere baduzue. Milesker!!

P.D. Martxoaren 10 bitartean, EGUNERO bozkatu dezakezue. Bidaltzen duzuen mail bakoitzeko boto bakoitzak balioko dizue zozketan. Ondoren, haiek bidaltzen dizueten maila berretsi besterik ez duzue egin behar.

Vota mi cartel "Jazza baino gehiago · Más que Jazz (rectificado)" en el III Concurso de Carteles Heineken Jazzaldia y gana un abono doble y alojamiento para dos personas!!

III Heineken Jazzaldia Kartel Lehiaketan "Jazza baino gehiago · Más que Jazz (rectificado)" nire kartela bozkatu eta 2 pertsonentzako abonamendu eta ostatu zoketan parte hartuko duzu!!

LINK PARA VOTAR · BOZKATZEKO ESTEKA:
http://especiales.heinekenjazzaldia.com//permalink.aspx?i=312

"Jazza baino gehiago · Más que Jazz"

2011-02-20T11:51:00.000-08:00

Eta aurten, 3. aldiz Donostiko Jazzaldirako kartel lehiaketa zabaldu da.
Partehartzaileak dozenaka eta dozenaka izango gera. Sailkatuak hogei. Irabazlea bat. Parte hartzeagatik pozik daudenak, ni behintzat bai.
Martxoaren 2 bitartean ikusgai izango dira lan guztiak Heineken Jazzaldia web orrian. Eta martxoaren 4tik aurrera bozkatzen hasi zaitezkete!!! Eguna iristean argituko dut nola... bitartean: hauxe nire proposamena, lema eta azalpena.

Por 3ª vez se abre el concurso de carteles para Jazzaldia de Donosti. Los participantes se cuentan por docenas. Los seleccionados serán veinte. Y uno, el ganador/a. Los que ya están contentos simplemente por presentarse, yo misma. Hasta el 2 de marzo se podrán ver todas las propuestas en la web Heineken Jazzaldia y a partir del 4 de marzo comenzais a votar! Cuando llegue el momento aclararé dónde y cómo... mientras tanto os dejo mi propuesta, su lema y texto correspondiente.

"Jazza baino gehiago · Más que Jazz"

Jazzaldia ez delako Jazza soilik. Ez delako kontzertu bat ikustea bakarrik. Gehiago da: giroa da, non gustu eta jatorri desberdineko pertsonak elkartzen garen estilo askotariko doinuez gozatzeko.

Porque Jazzaldia no es sólo Jazz. No se trata solamente de asistir a un concierto. Es algo más: es ambiente, donde personas de gustos y lugares diferentes coincidimos en disfrutar de infinitos tonos.

Kaleko koloreak I

2011-02-11T13:36:00.000-08:00

Gaur laneraka nihoala argazki hau atera dut... zein atsegina den zenbait gauzaren itzulera ikustea!Eta honelako zuhaitz loredunez ari bagera... neguko iluntasunaz urruntzen gauden seinale. Oraindik egun hotzak izango ditugu baino urtaro aldaketa martxan dagoela nabarmena da kalean.

PD: Pantoneren hitzetan, 2011 urtea arroxa kolorearen urtea:

Moo: mola!

2011-01-30T06:34:00.000-08:00

Txartelak iritsi zaizkit! Moo online dendan egin ditut eta gomendatu beharra daukat! Beraien diseinu propioak erabili ditzakezu bixita-txartelak, minicard edo postalak... egiteko. Baina norberaren diseinuak ere. Niri gehien gustatu zaidana: proiektu berberan diseinu desberdinak erabili ahal izatea: honek produktua erakargarriagoa bihurtzen du.

Delafé y Las Flores Azules

2011-01-24T11:27:00.000-08:00

Ostiral honetan, Delafé y Las Flores Azules Donostin!porfin!Jazzaldian ikusteko aukera izan genuen udara batetan, eta zuzenean ikusi eta entzutea merezi duen taldea dela berretsi nuen. Umore eta giro xarmagarria zabaltzen dute edonon... era berezi eta itsaskorrean gainera. Neri bereziki marrazki alai eta koloretsuak iradokitzen dizkidate beti.
Esan bezela: ostiral honetan Donostiako Gazteszenan... han izango gara!

Gau faboritoa

2011-01-19T04:09:00.000-08:00

Gauza faborito asko ditut: kolore bat, abestia bat, pelikula bat... eta urteko egun faboritoa ere. Kasu honetan, egun baten bezpera: San Sebastian bezpera. Gau berezia delako, urtean bakarra, xarma berezia duelako, beste jai batzuek ez bezela. Eta ez dugu, donostiarrok soilik esaten hau. Gure jaia da, baina giroa benetan zabaldu egiten dela festak irauten dituen orduetan. Eta hau ez dakienak frogatu ez duen seinale!

Artea nonahi

2011-01-12T12:24:00.000-08:00

Interneten nabigatzean, milaka eta milaka informazio tartean, honelako bideoak topatzea izugarri atsegina da:

ROJO®NOVA work in progress (03) from ROJO® on Vimeo.
NOVA The Film (trailer) from ROJO® on Vimeo.

Volksfaden.de

2011-01-09T05:09:00.000-08:00

Oihal estanpatuak gustoko ditugunontzat helbide interesgarria hau: www.volksfaden.de. Denda alemana da, eta eurek diseinatutako oihalak metroka saldu ez ezik, botoiak, eta beste hainbat gauza saltzen dute ere. Mota eta gustu askotako marrazkiak dira, ziur baten baten bat atsegingo duzuela. Facebooken kontua ere badute. Beraien web orriko adibide batzuk:

Kolore hautaketak prestatzen...

2011-01-07T07:10:00.000-08:00

2011

2010-12-31T06:10:00.000-08:00

H Magazine 119

2010-12-20T02:10:00.000-08:00

Jakin nahi nuke argiak pizten

2010-12-15T13:05:00.000-08:00

Daudenentzat eta ez daudenentzat. Gertu eta urrun ditudanentzat. Arrazoi desberdinengatik nire, guregandik urrun aurkitzen direnentzat; inoiz ez, inoiz edo oraingoiz etxean eduki ezin ditugunentzat. Eta ez naiz egun hauetan soilik akordatzen, baina bai jartzen naizela inoiz baino sentiberago... izango al du argiak zerikusirik?

http://www.goear.com/listen/92ab670/gaueko-argiak-ken-zazpi

Goiuri 2011

2010-11-28T07:43:00.000-08:00

Gauden urtaroa eta jasaten ari garen eguraldiarekin zaila da hurrengo urteko udaran pentsatzea. Ba Goiurin lan egiten dugunok eguraldi eguzkitsuetan pentsatu besterik ezin dugu egin eta negua existituko ez balitz bezela aritzen gara lanean: 2011 urteko estanpatuak, kolore aukeraketak, patroiak eta argazkiak prest ditugu dagoeneko eta hau dugu bildumaren azala: gustokoa izatea espero dut!

P.D. Aurreko urteetan bezela, argazkiak Yudania Fotografíaren eskutik. Bilduma osoa ikusteko oraingoz Goiuriko facebook orria duzue.

desERAIKI___

2010-11-24T13:46:00.000-08:00

Klase garaian halako ariketa zehatz eta geometrikoak egitea eskatu balizkidate... uf! Baino orain "jolasteko" ordua da, piezak egin eta desegitekoa, zerbait osatzeko bidean... ea zer ateratzen den... Lehen aipatutako estanpatuaren zati berriak hauek, guztiak bildu eta forma bakarra osatzea falta dut soilik!

Painting 3D!!

2010-11-18T13:20:00.000-08:00

Azken asteetan estanpatuak koloratzen eta koloratzen ibili ondoren... egiten nabilen azken marrazkiaren parte txikitxo batzuk uzten ditut hemen. Hasiera baino ez da hau; konposizioa haundia izango delako, eta lan dexente emango didalako. Kolore eta formen bidez 3D sentsazioarekin jolastu nahian... oraingoz, hau da erakutsi dezaketena!

3Bideo 3Aurpegi

2010-09-26T13:42:00.000-07:00

Udazken argitsua

2010-09-18T06:55:00.000-07:00

Udako azken egunekin... udazkena iristear. Urtaro honekin pentsatzean, argia murriztuko dela datorkit burura; eta honekin euria, haizea, kale hutsagoak, eskaparate ilunagoak... Justo kontrakoa egin beharko genuke aldaketa honi aurre egiteko eta kolore indartsuak jantzi. Goiurin hurrengo udara buruan dugu jadanik, agian horregatik kolore bero eta alaiekin pentsatzea erraza egiten zait. Laister izango ditugu estanpatu berrien argazkiak prest eta ziur esan dezaket gertu dugun udazkena argitzeko moduko koloreak izango direla.
Coldplayen hitzetan, Viva la vida eta Life in technicolor:

H Magazine 110

2010-08-31T15:30:00.000-07:00

Ez da aldizkari honen azken alea baina zenbaki honen portada... me flipa! (ezin det beste modu batetan deskribitu). Azken alea ikusteko: HMagazine 115

Open publication - Free publishing - More trends

♥♥ Nik Kuler ♥♥♥♥

2010-08-26T07:11:00.000-07:00

Oporren bueltan, indarberriturik eta gauzak sortzen jarraitzeko gogoekin. Oraingoan, beste baliabide batekin maitemindurik nator. Lan egiteko, diseinatzeko, sormenerako... KOLOREA ezinbestekoa zaigunoi, dohainiko online aplikazio izugarria hau: Kuler. Behin erregistraturik, alde batetik, kolore konbinaketen bilatzailea du: guk aukeratzen dugun kolorearen konbinazioak topatuko dizkigularik adibidez, cmyk bilakatu daiteke, kolore bakoitza editatu eta gure bilduma propioa sortu...

Ondoren konbinaketak deskargatu eta erabiltzen ari garen diseinu programan iriki daiteke. Azalpenak erraztekotan bideo hau utziko dut, inglesez dagon arren, ongi azaltzen ditu gauzak.

♥♥♥♥♥♥♥♥

desKonexioa

2010-07-22T13:54:00.000-07:00

Azkenean!
Udararekin batera datozen oporrak baino ezer hoberik??Eguraldi onarekin baldin badatoz behintzat... eta oraingoz erdi-purdi, baino azken finean opor egunak: denbora librea!!Telebistako iragarki batek (ez det esango zeinek) esaten duen moduan: deskonektazeko "konektatu" egiten omen gara, internetera, alegia!Nik ere halaxe egin dut eta oporren bueltan txoko honetara itzuliko naiz. Bitartean opor-leku-hautatua antolatzen eta aukeratu duguna: Landak, eguraldi eta giro aparta, deskonexiorako hoberena. Aspaldiko lagun batzuekin joateko zortea izan dut eta ziur egun bereziak izango direla hirurontzat, honen ostean bakoitzak bere bideak hartuko baititu. Buelta arte!

Estudioa

2010-07-19T07:01:00.000-07:00

Aurreko astean La Casita de Wendy estudioan izan ginen lagun bat eta biok. Arropa marka bat baino gehiago dira... egiten dutena maite dute eta mimo haundiz landu eta erakutsi. Beraien kontaktu helbideak utziko ditut jarrita:
Web: www.lacasitadewendy.com
Blog: www.casitawendy.blogspot.com
Beraien blogean ematen dituzten kurtsoetaz informatu zaitezke eta euren Estudioan tailerrak (laburrak batzuk eta luzeagoak besteak) jaso: estanpazio digitala, estilismo eta argazkigintza... gauza ugari ikasteko aukera dago bertan. Niri ikasitakoa benetan baliagarria izan zait. Orain praktikan jartzea falta!
La Buena Vida -Magnesia-

Airea

2010-07-05T12:43:00.000-07:00

...egun gutxi barru autobusa hartu... eta gauza berriak egiten ikastera! Hiri eta jende berria, denbora librea... oro har, aire freskoa hartzeko egunak datozkit.

Uztailaren 1a

2010-07-01T04:53:00.000-07:00

Amoñi eta Uxuentzat beraien egunean:
Zorionak... zuen urtebetetzetan, zorionak ta urte askotarako, zorionak... belarritik mila tira zorionak ta lore bat zuentzako!
Muxu!!!

Margo-lanetan

2010-06-21T07:44:00.000-07:00

Koloreak bizitzen

2010-06-14T12:40:00.000-07:00

Koloreak... animoaren aldekoak? hona hemen nireak. Ikusten duenak gauza berbera sentitzea espero!

Ilusio berria

2010-06-12T15:46:00.000-07:00

Duela aste batzuk estanpatuak diseinatzen dituen neska batekin egin nuen "topo" interneten. Bere bitartez, diseinu erakargarri eta esteka interesgarriak ezagutzeaz gain, lan honek izugarri erakartzen nauela konturatu naiz. Zer galdu nezake? Galdetzen diot nire buruari... ezer ez. Beraz, lehen frogatxoak aurrera eramateko ilusioz, oraingoz pixel diren lanak eskuartean laister izatea espero dut. Oihal horiek gero zertan bihurtu?... hurrengo eskuen arabera...

Loratzen

2010-05-30T12:23:00.000-07:00

Imajinazioaren alde

2010-05-24T11:23:00.000-07:00

Nire azken urtebetetzean ipuin zoraaagarri bat oparitu zidaten, ahizpak konkretuki. Ez dakit nola baina bete betean asmatu zuen titulu horrekin, azken Liburu Egunean erosteko zorian izan bainitzen eta ez dakit nola baina etxera liburu hura gabe bueltatu nintzen (eskerrak zeren nire eskuetan erortzeko bidean zegoen ordurako!!). Liburuko irudiak izugarri gustoko ditut, benetan bereziak iruditzen zaizkit:

Duela gutxi istorio honetan oinarritutako filmea izan zen zineetan eta hura ikusteko aukera ez nuen izan, pena! Pelikulako musika, aldiz, behin eta berriro entzuten dut, majia du, umore ona erakarri eta istorio honek oinarritzat duen imajinazioa indartu! Karen O and The Kids:

www.goear.com/listen/511d20e/rumpus-karen-o-and-the-kids

www.goear.com/listen/20f2b5e/where-the-wild-things-are-not-karen-o-and-the-kids

Estanpatzen VI: Pixel

2010-05-21T03:55:00.000-07:00

Azken estanpatu froga bildumatxoa. Pixelen lehenengo irudia laister Goiurin salgai! Nik estanpatuaren zatitxo bat jarri dut adibide moduan baino hau da emaitza.

Estanpatzen V: Trazuak

2010-05-10T10:51:00.000-07:00

Ondorengo hiru irudiak berdinak dira, ezberdintasuna, trazu hutsa ala koloreztaturik aurkeztea da. Aldaketa txiki honek guztiz desberdina bihurtuko luke estanpatua, eta emaitza posibleak infinitorantz hurbildu...

Estanpatzen IV: Koi

2010-05-02T14:59:00.000-07:00

Estanpatzen III: 3kiak

2010-04-25T11:50:00.000-07:00

Estanpatzen II: geometria

2010-04-24T14:43:00.000-07:00

Estanpatzen I: argia

2010-04-23T14:01:00.000-07:00

Isla eta gardentasunak iradokitako irudiak. Hasiera batean oihalak, zehazki bikiniak, estanpatzeko pentsatuak, baina ez dute bilatzen zuten argia ikusi. Lortu dutenak, berriz, Goiuriko web orrian ikusgai!

Lorentxo

2010-03-25T15:39:00.000-07:00

Bada Lorentxo deitzen den tipo bat. Lorentxok urte mordoa du, milaka eta milaka urte, baino distiratsu dago beti. Bere dir dir horrek pozik jartzen gaitu, alai, indartsu... eta egunero ikusteko irrikitan egon ohi gara. Lorentxoren izpiek lore, txori eta tximeletak esnatzeko gaitasuna dute ere. Aldiz, badirudi Lorentxo lotsati xamar dabilela azken aldian, eta ez duela denbora luzez ikusgai egon nahi. Udaberriaren sarrerarekin, lan orduak luzatzen dizkiogun neurrian, gure umore ona eta kalean egoteko gogoa haundituz doaz, giroa bera epeltzeko boterea baitu Lorentxok. Nik, hemendik Lorentxo animatu nahi dut, eta agerraldi luzeak eskatu nahi nizkioke: lotsa alde batera utzi dezala, hainbeste laino eta euri artean berezko duen lekua izan dezan. Nik Lorentxoren argitasuna nahi dut! Udaberri eta udara nahi ditut!

Px&Paint

2010-02-15T13:51:00.000-08:00

Helbide interesagarri bat: http://inkoherence.com/pixel-art.html

Eta bideo bi:

http://youtube.com/watch?v=Iw-BFmsr4LQ

http://youtube.com/watch?v=2l6lB7unNQ4&feature=related

Buelta ematen duen dantza

2010-02-10T09:58:00.000-08:00

Bideo hau aspaldi gordea nuen, eta duela gutxi berriz topatu... polita... eta musikaren inguruan zer esanik ez...

Bideo ongi ikusteko:
http://www.youtube.com/watch?v=zlfKdbWwruY&feature=channel
Abestia bakarri nahi duenarentzat:

http://www.goear.com/listen/b2b421f/praan-garry-schyman

:)

2010-02-08T14:11:00.000-08:00

http://vids.myspace.com/index.cfm?fuseaction=vids.individual&videoid=8881094

Zirriborroak

2010-01-22T01:31:00.000-08:00

Beti alai

2010-01-15T02:12:00.000-08:00

Urtarrilaren 19 gaua Donostin pasatzen duen orok, berezkoa den festa, umore ona eta soinua ziurtaturik du. Aski dakit donostiarra izatea ez dela beharrezkoa giroaren parte sentitzeko eta poza bizitzeko. Donostiako Martxak dioen bezela "gu beti pozez beti alai" eta halakoak dira isiltasunari uko egiten dizkioten jai honen 24 orduak. Agian, 24 orduko jaia dela jakiteak ematen dio bizitasun hori, badakigulako urtebete osoz itxoin beharko dugula hurrengo egunetik aurrera. Gabonetako festa egunak guztiz ahazturik dituen hiriak, danbor hotsa nabari du aspaldian baita San Sebastian bezpera iristeko desira berezia. Gomendioa: 19ko gauerdirako letra entzuna izatea:
Bagera...!
Gu ere bai! 
Gu beti pozez, 
beti alai.
Sebastian bat bada zeruan
Donostia bakarra munduan ,
hura da santua  ta hau da herria 
horra zer den gure Donostia.
Irutxuloko  gaztelupeko 
joxemaritar zahar eta gazte (berriz)
kalerik kale  danborra joaz 
umore ona zabaltzen  hor dihoaz, joxemari!
Gaurtandik gerora  penak zokora :
Festara!  Dantzara! 
Donostiarrei oihu  egitera gatoz 
pozaldiz  ihauteriak datoz! (berriz)
Bagera...! 
Gu ere bai! 
Gu beti pozez,
beti alai

Elurra

2010-01-09T03:25:00.000-08:00

Elurra ikustean, zapaltzean, badirudi orduan iritsi dela benetakoa den negua... Argazki hauek iazkoak dira, espero laister halakoak harrapatu ahal izatea ere.

Gabon gaua

2009-12-24T09:05:00.000-08:00

Iritsi da gabon gaua, bizipen ugariak sentiarazten dituena. Modu desberdinetan bizita zein ospatuta ere, denek dute gertukotasun kutsua, gure ingurukoekin elkartzen baikara. Gau honetan, mahai inguruan bildurik, aspaldiko momentu barregarriak ere gogoratu ohi ditugu, gaudenak eta ez daudenak kontutan izanda. Momentua bera bizituz, gerturatzen ari den urtea ona izatea desio dugu eta beste urtebetez, gaudenok pozik elkartzeko nahia.

Muxugorri

2009-12-13T11:29:00.000-08:00

Bada izen bat, non gauza txikiak haundiak egiten joan diren. Badira bost urte Muxugorri jaio zenetik, eta bitarte honetan aldatuz joan da. Muxugorriren atzean eskuz eginiko bitxiak daude, eta diseinu bakoitza bakarra eta bizia da. Bere bizitasun hau aldiz, ez da inoiz aldatu egon den lekuan egonda ere, eta horrek egin du posible orain arteko ibilbidea. Haunditzen joan denez, bere txokoa egin du interneten ere, eta hortxe topatuko ditugu bere diseinu eta nondik norakoak. Bitartean, argazki hauek uzten ditut Muxugorri zer den ikusteko:

Bidaia

2009-12-04T01:22:00.001-08:00

Gabonetarako lasterketa

2009-11-27T02:22:00.000-08:00

Urtero, berdina gertatzen zait, baina urtero harritzen nau... gabonak gainean ditugu... ala gainean jartzen dizkigute? Nahiz eta argi naturala nabarmenki murriztu den, oraindik tenperatura epeleko egunak ditugu: urtaro eroak hauek... Abendua hortxe dugu, bizpahiru egunetan: gainean. Denda orok aspaldi hasi du bere gabonetako eskaintzaren aurkezpena, dekorazioaren aparteko zaintza... Eguberritako argiak ere zain daude, zintzilik, beren pizteko momentua iristeko prest.

Harrigarria zait berez zein azkar egiten dugun salto urtarotik urtarora, beraz, gabonetara iristeko lasterketa behartu honen barnean murgiltzea zorabiatzeko modukoa izan daiteke. Iaz, inoiz ikusitako gabonetako zuhaitz haundiena ikusi nuen:

Zuhaitzak eninduen izutu, liluratuta baizik; aldiz, bere inguruak... hitzik gabe utzi ninduen. Pariseko Lafayette Galeriak dira hauek, eta eguberriek suposatu dezaketen alderdi kontsumistaren adibide nabarmena izan daitezke. Oraindik ez dakit nola, baina konturatu orduko, jende-marea batean bihurturik galeria hauen solairuetan inurriak sentitu ginen segundu gutxitan. Hala ere, hiri txundigarri hau bisitatuz gero, barrutik ikusgarria den espazioa da.

EspazioBi

2009-11-26T11:14:00.000-08:00

Biratuz

2009-11-25T10:56:00.000-08:00

Eskuzko hitzak

2009-11-20T02:17:00.000-08:00

Bart, aspalditik itxaroten nituen hitzak jaso nituen. Eskutitza jaso nuen, fisikoki urruti dagoen pertsona baten eskutitza. Denbora asko, gehiegi, generaman batak bestearengandik ezer jakin gabe. Eskutitz honi esker amaitu da egotaldi luze hori. Bukatu dira isilune eta ezkajintasunak. Eskutitzek badute gainontzeko komunikatzeko moduek ez duten zerbait; bere izenak esaten duen moduan horixe baitira, eskuz idatzitako hitzak. Eta eskuz egindako orok badu epeltasuna baita, une horretan, edozein motatako distantzia hausteko gai den gertutasuna ere. Esku batetik besterako bidai honetan zehar, esan nahi ditugun hitzak bidali ez ezik, gure parte txiki bat ere bidaltzen dugu kartazal barruan. Egia da ez dutela gainontzekoek duten bapatekotasuna, baina pazientzia izanik, merezi duen itxaronaldia da dudarik gabe.

Barrukoak

2009-11-19T14:12:00.000-08:00

Gauza ederrak edozein lekutan topatu daitezke, barru-barruan begiratuta ere

Munstro fabrika

2009-11-17T15:24:00.001-08:00

Stefan G. Bucher munstro egilea da. Tintarekin eraikitako orbainen laguntzaz hasi (oharkabean jokatuz beti) eta lantzen ditu bere izaki bitxiak, jarraian xehetasunekin jantziko dituelarik. 100 Days of Monsters deritzon lan honetan, eguneko munstro bat irudikatu zuen 100 egunetan zehar. Ondorengo bideoetan lan honen adibide batzuk ditugu, eta ilustratzeko erabiltzen dituen metodologia edo baliabideak azaltzen dira.
Dozenaka dabiltza interneten eta zaila da aukera egitea, ederrak baitira guztiak. Berari eta bere lanari buruzko elkarrizketa bideo honetan ikusi daiteke (benetan deigarriak diren emaitzez ohartzea segundubatzuetako kontua da). Bere bloga jarraitu nahi izanez gero, sartu helbide honetan ere. Hemendik aurrera, munstroenganako beldurra kendu ezezik, beraien jarraitzaile ere bihurtuko naiz.

Egun berezia, orduan eta orain...

2009-11-17T08:42:00.000-08:00

Joannaren ilustrazioak

2009-11-12T12:11:00.000-08:00

Udaran bisitatzen dudan herritxo frantsez batean, asko gustatzen zaidan azoka bat jartzen dute igandero. Han denetik aurki daiteke, eta horrez gain, frantsesek badakite bai nolako apain jarri dena gainontzekook dena gustoko izan dezagun. Azokako liburu postu batean "Monsieur personne" deritzon ipuina aurkitu dut aurtengo uztailan. Testuari dagokionez, egia da, ez nuela ezer ulertu momentuan bertan, baina ilustrazioak ikustea nahikoa izan zen ipuin horren beste gauza guztietaz jabetzeko: orriz orriko marrazkien liraintasun zein koloreek txunditurik utzi ninduten. Irudiak Joanna Concejo deitzen den artistarenak dira, poloniarra jaiotzez, nahiz eta Parisen bizi den. "Monsieur Personne"="Mr.Nobody"="Il Signor nessuno" liburua bere lehena da eta ez da azkena izango. Zehazki, eta duela egun gutxi, "Humo" deritzona aurkitu dut: hau gaztelaniaz topatu dudanez, kontatzen duena momentuan bertan igarri ahal izango dut, baita ilustrazioekin berriz gozatu ere.

Matemagia

2009-11-06T10:10:00.000-08:00

Letretakoa izanik, eta topiko kutsua duen arren, matematikak ez ditut inoiz gustoko izan; zenbaki eta formulek ez dute inoiz nigan interesik ez piztu, ezta sortu ere. Ez dut garrantzitsuak diren dudarik, eguneroko elementu zein gertaera askoren atzean dagoen giltza edo gakoa baitira.

Dena den, zenbakipean dagoen artea aurkitu nuen behin, eta euren alderdi magikoa topatu ere, bisualki benetan ederra den formula.

Telebistako programa batean Geometria Fraktalaren inguruko erreportai bat ikusi ostean, (eta interneten, dena aurkitu daitekenez) formula matematiko hau lantzen duen artistarekin egin nuen topo.

Errealitatean aurki ditzakegun adibideak ugariak dira, ederra baita naturak berak sortzen duena: hostoak, barazki zein animali eta gainontzeko izaki biziek infiniturantz doan arau geometriko hau daramate soinean.

Hala ere, norberak fraktalak eraikitzea posible da berezko programa lortu orduko. Lotura honetan, prozesu honen azalpen eta eman beharreko pausoak erakusten dizkigute, baita gomendio batzuk ere.

Annai

2009-11-03T09:06:00.000-08:00

Duela denboratxo bat lagun erdi lizarratar, (dagoeneko) erdi bartzelonatar batek, Annai aurkeztu zidan eta ordundik askotan ikusi dut pertsonai maitagarri honen bideoa. Ea nik bezain gustoko duzuen:

Txiki, eskerrik asko honelako bideoak erakusteagatik!

Txapak

2009-11-02T11:37:00.000-08:00

Plausive Chapas web orria txapen zaleak direnentzako leku erakargarria izan daiteke. Funtzio desberdinak eskeintzen ditu, baita link interesgarrriren bat ere. Alde batetik, beraiengana joateko aukera aurkezten dute eta minutu gutxiko kurtsoa jaso ostean, etxetik eramandako diseinuak egin ditzake norberak (prezioak tamaina eta kopuruaren arabera doaz).

Era berean, txapen diseinua errazteko plantila deskargatzea posible da (pdf eta freehand formatuetan), eta marrazkiak mail bitartez eurei bidali (beraiek txapak eginak bidaltzen dituzte honenbestez).

Txapak egiteko makina bera ere salgai dago, baina alokatzeko aukera ere errazten dute. Bestalde beharrezkoa den materiale, oinarri eta bestelako eranskin lortzeko lekua da hau. "Txapa emateko" web orria aproposa beraz.

Amets ilunak

2009-10-30T16:07:00.000-07:00

Nahiz eta Halloween "jai-gaua" ez den bertako zerbait, festa honekin zerikusia duen irudi, publizitate, edozein gauzarekin egin dut topo egun hauetan: armiarma-sarez apainduriko tabernak, telebistako sail bereziak, goxoki-dendetako produktu berriak, mozorroak...

Niri, adibidez etzait batere gustatzen, festa arrotza eta ilunegia agian. Kondaira batek dioenez, bizirik eta hildakoen arteko mundua bereizten duen atea irekitzen zen gaua omen zen honakoa, non izpirituak euren etxeetara itzultzen ziren... ez al da beldurtzekoa? Hala ere, kondairak horixe dira, kondairak, eta egia da gertakizunen zergatien eta nondik-norakoen xarma hamarkadaz hamarkada bizirik mantentzen laguntzen dutela.

Hemengoa hala hangoa izan, argi dago Halloween gaua ospatu nahi duenak baduela nora jo, besteok aldiz, pake eta lasaitasunean itxoingo dugu hurrengo eguneko jai eguna.

Amets gozoak

2009-10-30T02:28:00.001-07:00

Beste ikuspuntutik...

2009-10-25T15:37:00.000-07:00

Txanogorritxoren ipuinean otsoaren papera zein den argi utzi digu istorio honen bertsio entzunenak. Pertsonai gaiztoa, maltzurra, basatia... denok izan gara noizbait (ezta?) haren beldur. Baina gertatutakoaren bere bertsioa, bere ikuspuntua aztertuko bagenu? Ikus web orri honetan, pena merezi baitu! Ipuinaren jokabideen zentzuak aldatuz, haria guztiz desberdina bihurtzen da.

Ezaguna den amaierarekin ere antzeko zeozer gertatzen da. Istorioak ongi bukatzen direla entzutea atsegina denez, ipuinaren bukaera salbatzen duen ehiztaria heroi bezala ikusi dugu txikitatik. Figura hau, salbatzaile modukoa zen. Eta egia da Txanogorritxoren istorio orijinala argitaratu zenean, garaiko haurrak guztiz traumatizatuak geratu zirela, eta ez da gutxiagorako: otso batek amona ondoren haurra bera osorik nola irensten zuen entzutea ez zen batere atsegina izango.

Klasiko honen nondik norakoak ikusteko hemen ikusi.

Ipuin hau gustoko duzuenentzat bilatu "Érase 21 veces Caperucita Roja" ilustrazio liburua, non 21 artista japoniarren ikuspuntuak aurkezten diren. Txiki eta haundientzat gomendagarria.

Koloreekin maitemindua

2009-10-15T14:50:00.000-07:00

COLOURlovers blog orrian ehundaka kolore, paleta, patroiekin... egingo dugu topo. Kolore konbinaketen ezaugarriak, kolore bakoitzaren datuak, estatistikak, bilatzailea... ikusteko leku aproposa ere bada hau. Koloreekin lan egitea gustoko edo beharra dugunontzako benetan erabilgarria da. Egun, 200.000 baino "maitale" gehiagok jarraitzen dugu blog hau, bertan 2miloi kolore baino gehiago topatu baititzakegu.
Eta blog bat denez, baliagarriak izan daitezken koloreen inguruko iruzkinak egin eta irakur daitezke.

Nik leku honetan gehien atsegin dudana, aldiz zera da: aurkezten dituzten ideiak ikusi ez ezik, deskargatzea ere posible dira, adibidez paletak. Gustokoa aukeratzean, zein programatarako nahi dugun hautatu (Illustrator adib) eta deskarga betetzen da. Ondoren, Illustrator irekiko genuke, eta muestras leihotik, gure kolore-bilduma berriak zabaldu.

Izugarri atsegina eta eraginkorra.

(P.D. Hau guztia erabili ahal izateko erregistratzea beharrezkoa da)

Barearen ostean... ekaitza

2009-10-13T15:07:00.000-07:00

Olivia

2009-10-10T12:31:00.000-07:00

Duela gutxi Olivia protagonistatzat duen ipuin bi opari dizkidate. Portadaren irudia ikusi bezain laster konturatu nintzen Olivia asko gustatuko zitzaidan pertsonaia izango zela. Ez du liluratzen duen ezer berezirik, bere sinpletasuna baizik: ipuin osoa txuri beltzean da baina protagonista inguratzen duen xehetasun oro gorria: izugarri atsegin duen kolorea. Pertsonai alai eta ameslaria da, oso pinpirina. Hau da Olivia:

Ametsetan

2009-10-09T02:04:00.000-07:00

Egun hauetan telebistan bideo hau (modifikatua) duten publizitatea jartzen ari dira. Nik nahiago orijinala. Ikusi zein polita:

Horrenbeste amets izanda neska nekatua jeikiko dela pentsatzen dut... baina ziur pozik esnatu ere!

Atzera begira

2009-10-07T12:53:00.000-07:00

Denboran atzera begiratu eta duela gutxi udara, eguraldi ona, denbora librea... igaro direla ohartzen gara. Duela asko izan izan dela dirudi... arratsalde luzeak, eguzki-sartze izugarriak... nahiz eta egun hauetako tenperatura ikusita... ez den udazkena nabarmentzen.

Hurrengo opor egunetan pentsatuz, aldiz... neguan sartzen naiz jada. Ea bitartean zenbat eguzki eta euri dugun, zenbat hosto erori eta zuhaitz gorritzen den. Bide batez, bizitako oporretan barneratuko naiz...

...lorategia argitzen duen lorea

2009-07-30T07:01:00.000-07:00

Islada

2009-07-29T07:08:00.000-07:00

JaZZaldiA

2009-07-19T10:48:00.000-07:00

Jazzaldiarekin doinua, erritmoa, musika mota eta talde desberdinak datoz guztion artera. Aukera ezin hobea egunerokotik aldendu eta alternatiba bilatzen duenarentzat, giro lasai zein animatua gustoko duenarantzat baita musutruk eszenatoki eta une ahaztezinak topatu nahi dituenarentzat.

Une batez...

2009-07-13T09:12:00.000-07:00

Nork zioen...?

2009-07-09T13:10:00.000-07:00

Liburu azoka

2009-07-06T09:00:00.001-07:00

Ilaran

2009-06-29T09:36:00.000-07:00

EskuLanak

2009-06-25T12:55:00.001-07:00

2009-06-24T10:20:00.000-07:00

MunDua

2009-06-24T08:24:00.000-07:00

Oporretan pentsatuz

2009-06-23T11:23:00.000-07:00

Hiria...

ala itsasoa?

Ongi etorri, euskeraz

2009-03-07T13:46:00.000-08:00

Ihauterien zain

2009-02-03T13:15:00.000-08:00

Ihauterien sarrera Kalderero, Zanpantzar eta beste pertsonai zirraragarri diren eskutik dator. Gure historia, kulturan aipagarriak.

Kaldereroak Hungariatik datoz zartagiak joaz, baita kantatuz ere, Zanpantzarrek, ordea, joareak daramatzate, zintzarri modukoak. Buru gainean, berriz koloredun zintaz apainduriko kukurutxo forma duen txanoa, Tuntturro deritzona.

Oharkabean beraz ez dira ibiliko, ez baita hori beraien helburua!

Bazen behin...

2009-01-28T10:36:00.000-08:00

Gaur goizean jeiki naiz, umore onean...

Bidaiatzeko gogoz, gauza berriak egiteko gogoz...

Espazio berri honetan, kolore biziko momentu eta lagunez inguraturik...

Bidai ona denoi!!